canolrif (canolrifau) eg

Dyma’r rhif neu’r gwerth canol mewn set o rifau neu feintiau wedi eu gosod mewn trefn esgynnol.

Gadewch i ni ddefnyddio’r rhifau hyn fel enghraifft:

    6, 45, 15, 5, 14

I ddechrau, rhaid eu gosod mewn trefn esgynnol:

    5, 6, 14, 15, 45.

14 yw’r rhif canol, felly 14 yw’r canolrif.

Os oes dau rif canol – fel sy’n digwydd pan fydd nifer y data yn y set yn eilrif – rhaid cyfrifo gwerth sydd hanner ffordd rhwng y ddau rif.

Gadewch i ni ddefnyddio’r rhifau hyn fel enghraifft:

    7, 14, 6, 5, 45, 8

Unwaith eto, rhaid eu gosod mewn trefn esgynnol:

    5, 6, 7, 8, 14, 45.

Nid oes rhif canol yma, felly rhaid cyfrifo’r gwerth sydd hanner ffordd rhwng y ddau rif canol.

Felly, 7 + 8 = 15

      \dfrac{15}{2}=7.5

7.5 yw’r rhif canol, felly 7.5 yw’r canolrif.