pyramid (pyramidiau)eg

Siâp tri dimensiwn yw pyramid. Mae ei sylfaen ar ffurf polygon, ac mae ganddo wynebau trionglog sy’n cyfarfod ar bwynt uwchben y sylfaen. Enw’r pwynt hwn yw pen neu apig y pyramid.

Y fformiwla ar gyfer cyfaint pyramid yw:

    \text {Volume} = \dfrac13 \times s \times u

Mae s yn cynrychioli arwynebedd y sylfaen ac mae u yn cynrychioli uchder y pyramid (y pellter lleiaf o’r sylfaen i’r apig).

Mae pyramid cyffredin (fel yn yr Aifft) yn byramid sydd â sylfaen sgwâr.

Yr enw ar byramid sydd â sylfaen triongl yw tetrahedron. Mewn tetrahedron, triongl yw siâp pob un o’r wynebau.

Wynebau siâp triongl sydd gan bob math o byramid, ond mae siâp y sylfaen yn gallu amrywio.